Культурнай сталіцай Беларусі ў 2017 годзе стане Бабруйск
Культурнай сталіцай Беларусі ў 2017 годзе стане Бабруйск. Такое рашэнне ў сераду прыняла калегія міністэрства культуры.
Адзначаецца, што "Бабруйск — адзін з найстарэйшых гарадоў Беларусі, буйны прамысловы і культурны цэнтр, які вызначаецца зручным геаграфічным становішчам, развітай інфраструктурай". Да таго ж у наступным годзе горад адзначыць сваё 630-годдзе.
Сёлета культурная сталіца Беларусі — Маладзечна. Праект дзейничае з 2010 года. Раней культурнымі сталіцамі нашай краіны паспелі пабываць Полацк, Гомель, Нясвіж, Магілёў, Гродна і Брэст.
Фота: БЕЛТА
