Лідар Hair Peace Salon прэзентуе свой новы гурт (слухаць)
Першы трэк праекта Bristol называецца “Гэта магчыма” і анансуе будучы ЕР каманды.
Лідар Hair Peace Salon Алег Вяль стварыў новы праект Bristol і прэзентуе на Еўрарадыё яго першую песню “Гэта магчыма”. Трэк з’яўляецца анонсам будучага беларускамоўнага EP каманды.
“Песня “Гэта магчыма” характарызуе гучанне гурта і паказвае, якой будзе, як мінімум, будучая ЕР-шка. Яе складуць толькі беларускамоўныя песні. Мы не заракаемся, што будзем чыста беларускамоўным праектам. Магчымая і англійская мова”, — каментуе Алег Вяль.
На стварэнне “Брыстоля” Алега натхніла бяздзейнасць Hair Peace Salon. Музыка кажа, што ў дадзены момант калектыў сышоў у адпачынак на няпэўны перыяд.
Дэбютны міні-альбом Bristol, стылістыка якога нагадвае ранні Hair Peace Salon, з’явіцца праз два месяцы.
Фота: www.sta-logistic.by
