Літва абвясціла надзвычайнае становішча на мяжы з Беларуссю
Сейм Літвы ўхваліў прапанову ўрада і абвясціў рэжым надзвычайнага становішча на мяжы з Беларуссю. Ён уводзіцца сёння апоўначы, піша delfi.lt.
Рэжым надзвычайнага становішча будзе дзейнічаць месяц. Ён закранае мяжу з Беларуссю і 5 км углыб тэрыторыі Літвы. Таксама ён будзе дзейнічаць у месцах рассялення мігрантаў.
Надзвычайнае становішча ў Літве ўводзіцца ўпершыню пасля аднаўлення незалежнасці. Падчас яго дзейнічаюць абмежаванні на перамяшчэнні ў прымежнай зоне, на грамадскія сходы.
