Літва зачыняе адзін памежны пераход для беларускіх цягнікоў — "Белсат"
Чыгунка / pixabay.com
Ад 16 лютага Літва закрывае для беларускіх цягнікоў чыгуначны пераход Стасілас — Беняконі. Гэтую інфармацыю тэлеканалу "Белсат" пацвердзілі супрацоўнікі літоўскай мытні.
Паведамляецца, што адпаведны дакумент даслалі амаль усім арганізацыям у рэгіёне.
Паводле звестак ТГ-канала "МотолькоПомоги", пераход закрылі праз адсутнасць рэнтгенаўскіх сістэм, якія дапамагаюць знаходзіць кантрабандныя грузы (пераважна цыгарэты).
Паміж Беларуссю і Літвой застаецца яшчэ чыгуначны пераход Гудагай — Кяна.
