Лукашэнка адправіў віншаванне Трампу
Аляксандр Лукашэнка адправіў віншаванне прэзідэнту ЗША Дональду Трампу. Ён павіншаваў яго і амерыканскі народ з Днём незалежнасці.
"Спадзяюся на працяг пазітыўнай дынамікі ў дачыненнях паміж нашымі дзяржавамі і на далейшую рэалізацыю ўзаемавыгадных праектаў двухбаковага і шматбаковага супрацоўніцтва", — цытуе словы віншавання БЕЛТА.
Таксама Лукашэнка адзначыў, што Беларусь застаецца надзейным партнёрам Злучаных Штатаў у стратэгічных пытаннях міжнароднага парадку дня.
Як вядома, у апошнія гады дачыненні Беларусі і ЗША паляпшаюцца. Гэта неаднаразова адзначаў Аляксандр Лукашэнка. У той жа час Вашынгтон месяц таму працягнуў санкцыі ў дачыненні беларускага кіраўніка і шэрагу чыноўнікаў. У Мінску выказалі шкадаванне, што ЗША не могуць перагледзець "састарэлую пазіцыю ў дачыненні да Беларусі".
