Лукашэнка — новаму кіраўніку Саўбеза: хістаць і разгойдваць нас будуць

Паводле слоў Лукашэнкі, нечаканасці ў гэтым няма. Нібыта яшчэ летам мінулага года ён і кіраўніцтва Расіі пра гэта ведалі.

"Мы павінны навучыцца ў гэты цяжкі час супрацьстаяць і ўнутраным нашым сапернікам, і асабліва знешнім", — адзначыў Аляксандр Лукашэнка. Ён нагадаў пра "мерапрыемствы", якія летась сіламі Генштабу планаваліся "на знешняй мяжы па абароне нашай Айчыны, асабліва напярэдадні і пасля выбараў". І якраз Вальфовіч "быў у эпіцэнтры ўсіх падзей". Але афіцыйная прапаганда пра "небяспеку з Захаду" аказалася фальшывай — ніхто і не думаў нападаць на Беларусь.

Дзяржсакратар Саўбеза — гэта "фактычна галоўны памочнік" па працы з сілавымі структурамі, падкрэсліў Лукашэнка.