Лукашэнка: Пад чэмпіянат свету апазіцыянерам прывезлі грошы

Чаму вы не верыце, што апазіцыянеры — сумленныя людзі? — спытала Ксенія Сабчак. Аляксандр Лукашэнка сказаў, што людзі сярод апазіцыі розныя, але іх усіх аб'ядноўвае адно: "Добры заробак. Раней [з Захаду] больш давалі, цяпер — менш".

Кіраўнік дзяржавы заявіў, што ён сумняецца, што апазіцыянеры хочуць узяць уладу ў краіне. Іх задавольвае цяперашняе становішча. Лукашэнка згадаў "Гавары праўду", "Вясну" і "Хартыю". Ён, дарэчы, не супраць, што апазіцыя атрымлівае грошы з-за мяжы. "Гавару спецслужбам: хтосьці аўтамабіль купіў, дом пабудаваў...", — Лукашэнка лічыць, што добра, калі грошы застаюцца ў Беларусі.

Фота з сацыяльных сетак.