Лукашэнка паглядзеў форму, у якой выступяць беларускія спартсмены на Еўрагульнях

2 кастрычніка ў Палацы Незалежнасці для Аляксандра Лукашэнкі наладзілі прэзентацыю формы (параднай і спартыўнай), у якой выступяць беларускія спартсмены і ў якой будуць працаваць валанцёры на II Еўрагульнях у Мінску ў чэрвені 2019 года. Калекцыя атрымала назву "Прастора" (яе сімвал ўвязаны ў адзіную стылістыку лагатыпа Еўрагульняў, ён увасабляе "беларускія бязмежныя прасторы"). Спартыўную экіпіроўку (агулам 19 найменняў) выпусціла пінскае прадпрыемства. Плануецца, што будзе выраблена 500 камплектаў. Дызайнерам з'яўляецца Юлія Латушкіна, інфармуе БЕЛТА.