Лукашэнка параўнаў СНД з катэджным пасёлкам
У Мінску ў панядзелак праходзіць сустрэча Аляксандра Лукашэнкі з кіраўнікамі СМІ краін СНД.
Кіраўнік Беларусі падкрэсліў значэнне СНД як "добрай пляцоўкі" для прыняцця рашэнняў. Ён таксама звярнуў увагу на тое, што перамовы ўсіх краін СНД з адзінай Еўропай далі б большы эфект, чым спробы асобных дзяржаваў.
Паводле кіраўніка Беларусі, тое, да чаго цяпер імкнуцца ў рамках Садружнасці Незалежных Дзяржаваў, — гэта не новая камунальная кватэра. "А хутчэй, камфартабельны катэджны пасёлак, дзе кожны народ мае свой уласны, асобны і ўтульны дом", — цытуе словы Аляксандра Лукашэнкі РІА "Новости".
Фота — ria.ru
