Лукашэнка — ураду: не трэба баяцца Захаду, трэба ім паказваць зубы!

"Некалькі нашых прадпрыемстваў трапілі пад так званыя бандыцкія санкцыі з боку Захаду, — гаварыў Аляксандр Лукашэнка. — Юрый Віктаравіч [Назараў], задача ўраду — мы павінны сіметрычна адказаць на гэта. Яны ўвялі супраць нашых прадпрыемстваў санкцыі, мы павінны паглядзець, якія краіны гэта зрабілі, і мы павінны адпаведным чынам адрэагаваць. Калі яны зрабілі крокі ў няправільным накірунку, пачынаюць нас нахіляць, мы павінны сіметрычна адказаць. Не трэба баяцца, трэба ўжо ім паказваць зубы!".

Лукашэнка падкрэсліў, што прадпрыемствы, якія трапілі пад санкцыі, трэба падтрымаць.

Як вядома, Захад уводзіць санкцыі супраць уладаў Беларусі ў адказ на фальсіфікацыю вынікаў прэзідэнцкіх выбараў, на затрыманне дзясяткаў тысяч чалавек, якія ўдзельнічалі ў мірных пратэстах.