Лукашэнка ўзнагародзіў Макея ордэнам Айчыны, Абельскую — ордэнам Пашаны
Аляксандр Лукашэнка ўзнагародзіў Ірыну Абельскую ордэнам Пашаны. У 1990-я гады яна была асабістым лекарам кіраўніка дзяржавы, цяпер працуе галоўным урачом Рэспубліканскага клінічнага медцэнтра Кіраўніцтва справамі прэзідэнта.
Ва ўказе № 462 ад 26 лістапада, які з'явіўся на сайце кіраўніка дзяржавы, згадваюцца некалькі дзясяткаў прозвішчаў узнагароджаных "за шматгадовую плённую працу, высокі прафесіяналізм, узорнае выкананне службовых абавязкаў". Сярод іх — міністр замежных спраў Уладзімір Макей. Ён узнагароджаны ордэнам Айчыны III ступені.
