Лукашэнка заявіў, што Януковіч фінансаваў "Правы сектар"
Кіраўнік Беларусі сёння праводзіць прэс-канферэнцыю для расійскіх рэгіянальных СМІ. Мерапрыемства праходзіць у Нацыянальнай бібліятэцы ў Мінску.
"Віктар Фёдаравіч [Януковіч] фінансаваў "Правы сектар". Бо ён супраць Юлі [Цімашэнкі] будзе", — сказаў Аляксандр Лукашэнка. І дадаў: "Стварыў сілу, якая яго і знішчыла".
Як вядома, "Правы сектар" — гэта аб'яднанне правых сіл ва Украіне, якое з'явілася ў канцы 2013 года і стала арганізаванай сілай Майдана. Цяпер гэта палітычная партыя.
