Лукашэнку паказалі ўпершыню з 9 траўня
Аляксандр Лукашэнка з перабінтаванай рукой / president.gov.by
Аляксандра Лукашэнку паказалі ўпершыню з 9 траўня. У панядзелак ён прыехаў на цэнтральны камандны пункт Ваенна-паветраных сіл і войскаў Супрацьпаветранай абароны. Яго прэс-служба адзначае, што ён там "працуе" і слухае даклад "аб арганізацыі і выкананні задач баявога дзяжурства па супрацьпаветранай абароне".
Папярэдні раз Лукашэнка з'яўляўся на публічных мерапрыемствах на Дзень Перамогі: у Маскве ён не змог прайсці 300 метраў і яго падвозілі, у Мінску не змог прачытаць тэкст, і "па яго даручэнні" гэта зрабіў міністр абароны Віктар Хрэнін. Ягоны выступ 14 траўня на Дні сцяга, герба і гімна РБ зачытваў прэм'ер-міністр Раман Галоўчанка. Афіцыйна пра стан здароўя Аляксандра Лукашэнкі нічога не паведамлялася. На фота ад 15 траўня відаць, што яго рука перабінтаваная.
