Маці Гайдукова: Першапачаткова сына абвінавачвалі ў намеры здрады
Маці "шпіёна" Андрэя Гайдукова, якога судзяць за здраду дзяржаве, каментуе выказванне кіраўніка КДБ.
Нагадаем, што ў сераду Валерый Вакульчык заявіў, быццам абвінавачанне Гайдукову могуць змяніць. Праўда, змест новага абвінавачання старшыня КДБ не раскрыў.
Вольга Гайдукова: "Мне пакуль нічога не вядома. Пакуль усё як ёсць... Калі яго затрымлівалі, першапачаткова яны хацелі яму даць "намер здрады". Там усё прасцей. Хочацца спадзявацца на лепшае".
Нагадаем, што Вользе Гайдуковай далі дазвол выступіць на судзе ў якасці сведкі. Хадайніцтва ўжо падпісанае. Калі яе запросяць у суд, пакуль не вядома.
Фота — svaboda.org
