Маладзечанская міліцыя шукае сведкаў аварыі 30-гадовай даўніны
Еўрарадыё пацікавілася ў мясцовым РАУС, для чаго быў апублікаваны архіўны фотаздымак.
Па інтэрнэце разышоўся фотаздымак з Маладзечанскага РАУС, на якім выяўлена аварыя часоў 1980-х. Міліцыя просіць адгукнуцца сведак той аварыі.
“Хоць нейкае працэсульнае значэнне гэты фотаздымак страціў. Засталося выключна гістарычнае, ― тлумачыць Еўрарадыё начальнік штаба РАУС Маладзечна Яўген Беркутаў. ― Многія пыталіся, а хто на фотаздымку? Аказалася, мы і самі не ведаем. Было б цікава атрымаць такую інфармацыю”.
