Мазырскія ўлады закупілі значкі па рэкорднай цане
Планавалася, што значкі вырабяць з срэбра, латуні і родыя / mazyr.by
Мазырскія ўлады купілі 250 значкаў па рэкорднай цане. На гэта было патрачана 22500 рублёў бюджэтных грошай. Кожны значак абышоўся ў 90 рублёў. Райвыканкам аб'яўляў аж тры дзяржаўныя закупкі, заўважыў "Флагшток".
Уручэнне значкаў ўлады прымеркавалі да нядаўняга святкавання 100-х угодкаў Мазырскага раёна. Узнагароджвалі чыноўнікаў, дэпутатаў, кіраўнікоў прадпрыемстваў і арганізацый, ветэранаў працы і праваслаўных святароў.
Вырабілі дарагія значкі на гомельскім прадпрыемстве "Крышталь".
