Мігранты сякуць дрэвы каля беларуска-польскай мяжы

Мігранты сякуць дрэвы каля беларуска-польскай мяжы. Бярвенні яны кідаюць на плот з калючага дроту, спрабуючы яго пашкодзіць і арганізаваць праход на польскую тэрыторыю. Фота з месца падзей на беларускім баку мяжы апублікавала дзяржаўнае агенцтва БЕЛТА.

8 лістапада да пункта пропуска "Брузгі" на беларуска-польскай мяжы прыйшла вялізная калона мігрантаў. У ёй было больш за тысячу чалавек. Частка мігрантаў пачалі ставіць намёты, паліць вогнішчы, іншыя спрабуюць прарвацца ў Польшчу. Некаторыя маюць нават спецыяльныя нажніцы, якімі рэжуць калючы дрот. Польскія сілавікі іх адганяюць.

Кіраўніцтва Польшчы вырашае, якія дзеянні будуць прадпрымацца з-за міграцыйнага крызісу на мяжы з Беларуссю.