Мінчанку асудзілі на 15 сутак за тое, што выйшла не ў тых шкарпэтках

27-гадовую мінчанку Крысціну Малашэвіч асудзілі на 15 сутак за тое, што яна выйшла на вуліцу ў няправільных шкарпэтках.

25 сакавіка дзяўчыну затрымалі каля кінатэатра "Кастрычнік", паведамляюць праваабаронцы "Вясны". У пратаколе міліцыянты напісалі, што яна незаконна пікетавала тым, што на ёй былі бел-чырвона-белыя шкарпэткі. 

Гэтага хапіла суддзі Савецкага раёна Мінска Аляксандру Воўку, каб 26 сакавіка адправіць Малашэвіч пад арышт. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.