Мінгандлю: Льготнае крэдытаванне айчынных тавараў знізіць імпарт

Міністэрства гандлю Беларусі выступае за ўвядзенне льготнага спажывецкага крэдытавання айчынных тавараў. Паводле намесніцы міністра Ірыны Наркевіч, ведамства распрацавала праект указа, падобны да ўказа ад 6 ліпеня 2009 года аб ільготным крэдытаванні. Мэта гэтага дакумента — павялічыць долю продажу айчынных тавараў і сацыяльна падтрымаць насельніцтва.

Пры гэтым чыноўніца адзначае, што на сёння доля айчынных тавараў на ўнутраным рынку пераважае, а ў харчовай групе беларускі рынак болей як на 80% насычаецца айчыннай прадукцыяй.

Наркевіч заяўляе, што Мінгандлю сумесна з галіновымі ведамствамі і канцэрнамі, вытворцамі і арганізацыямі гандлю выкарыстоўвае шэраг захадаў для прыярытэтнага забеспячэння ўнутранага рынка за кошт айчыннай прадукцыі “ва ўмовах максімальнай адкрытасці рынка”, паведамляе БЕЛТА.

У Беларусі хочуць аднавіць льготнае спажывецкае крэдытаванне

Мінгандлю прыпыніла дзейнасць 254 крамаў і кавярняў

Фота: vschicagomagazine.com