Мінімальная стыпендыя ў Беларусі — $37
Студэнты / Marcelo del Pozo / REUTERS
Мінімальная стыпендыя для першакурсніка беларускай ВНУ складае 121 рубель. Па сённяшнім курсе гэта 37 долараў.
У БДУ і Акадэміі кіравання мінімальныя стыпендыі большыя — ажно 157 рублёў. Студэнты — інваліды III і IV ступені могуць разлічваць на 181 рубель штомесяц.
Сума залежыць ад бюджэту пражытковага мінімуму — цяпер гэта 403,94 руб. Пры памнажэнні яго на каэфіціэнт 0,3 і атрымліваецца мінімальная стыпендыя студэнта першага курса.
Цікава, што студэнты-замежнікі атрымліваюць утрая вышэйшую стыпендыю — 363 рублі.
