Мінск высвятляе, колькі беларускіх турыстаў знаходзіцца ў Егіпце
Міністэрства спорту і турызму Беларусі высвятляе з дапамогай Растурызму, колькі беларускіх турыстаў знаходзіцца ў Егіпце. Мяркуецца, што на егіпецкія курорты праз Маскву могуць лятаць да 30% беларусаў, якія купілі пуцёўкі ў гэтую краіну. Пра гэта паведаміў дырэктар дэпартаменту па турызму Мінспорту Вадзім Кармазін.
Як інфармавала Еўрарадыё, у пятніцу расійскія ўлады прыпынілі палёты самалётаў у Егіпет да высвятлення прычын катастрофы А321, у якой загінулі 224 чалавекі. Арганізуецца вяртанне на радзіму расійскіх турыстаў. Беларускі бок спадзяецца, што падчас эвакуацыі расіян з Егіпту будуць эвакуяваныя і беларусы.
БЕЛТА паведамляе, што некаторыя беларускія турыстычныя кампаніі прыпыняюць продаж тураў у Егіпет з вылетам з Масквы.
На чым лётаюць "Белавія" і замежныя авіякампаніі (інфаграфіка)
Фота: Fotolia
