Мінскі мясакамбінат абвяргае звесткі пра свіную чуму ў прадукцыі
Рассельгаснагляд заявіў пра геном афрыканскай чумы свіней у мясе Мінскага мясакамбіната. Гэта было выяўлена ў чатырох выпадках з пяці.
Цяпер Расія абмяжоўвае пастаўкі ад Мінскага мясакамбіната з-за афрыканскай чумы свіней, паведамляе сайт Рассельгаснагляду.
На Мінскім мясакамбінаце запэўніваюць, што правяраюць усе партыі мяса. Пра гэта Еўрарадыё паведамілі ў лабараторыі прадпрыемства.
Супрацоўнік лабараторыі: "Гэта яшчэ ні аб чым не кажа, Расія піша… У нас няма імпартнай сыравіны, уся сыравіна правяраецца. Выпадкаў, каб знайшлі АЧС, не было”.
Раней Рассельгаснагляд выявіў геном АЧС у каўбасе Аршанскага мясакамбіната і абмежаваў пастаўкі яго прадукцыі ў Расію.
Фота — udf.by
