МУС заяўляе, што блогер Лапшын не падаваў хадайніцтва аб статусе бежанца
Блогер Аляксандр Лапшын не падаваў хадайніцтва пра наданне яму статусу бежанца. Такой заявай Міністэрства ўнутраных спраў Беларусі вырашыла абвергнуць звесткі, якія з'явіліся ў СМІ.
"Па стане на 8 лютага 2017 года ў Міністэрства ўнутраных спраў хадайніцтва аб прадастаўленні статусу бежанца або дадатковай абароны грамадзяніну Расіі і Ізраіля Аляксандру Лапшыну ў вызначаным парадку не паступала", — цытуе сайт ведамства словы начальніка Дэпартамента па грамадзянстве і міграцыі МУС Аляксея Бегуна.
У МУС адзначаюць, што хадайніцтва аб статусе бежанца або дадатковай абароне можа падаць нават чалавек, які знаходзіцца пад вартай. Падаць хадайніцтва можа як сама асоба, так і з дапамогай адваката. Такім чынам, Лапшын, які быў затрыманы ў Мінску 15 снежня 2016 года, меў магчымасць падаць адпаведнае хадайніцтва ў МУС Беларусі.
8 снежня блогера Аляксандра Лапшына беларускі бок выдаў у Азербайджан, дзе яму пагражае да васьмі гадоў турмы. На прэс-канферэнцыі 3 лютага Аляксандр Лукашэнка паведаміў, што Лапшын быў абвешчаны ў міжнародны вышук Інтэрполам. Ён заявіў, што расійскія і ізраільскія дыпламаты прыкладалі мала намаганняў, каб вызваліць Лапшына.
