Мужчына патраціў $175 тысяч, каб выглядаць як Мадонна (відэа)
Жыхар Каліфорніі неаднаразова звяртаўся да пластычных хірургаў.
27-гадовы жыхар Каліфорніі Адам Герра патраціў 12 гадоў і $175 тысяч, каб выглядаць як знакамітая спявачка Мадонна. "Таму што яна каралева", — патлумачыў ён. Паводле слоў мужчыны, ён закахаўся ў Мадонну яшчэ падлеткам.
Адам Герра зрабіў 18 пластычных аперацый і пакуль не збіраецца спыняцца. Ён скардзіцца, што яго апантанасць падабенствам з Мадоннай некалькі азмрочвае яго асабістае жыццё, інфармуе Delfi.
