МВФ гатовы фінансава дапамагчы Украіне
Калі кіраўніцтва дзяржавы звернецца па эканамічную ці фінансавую падтрымку, фонд гатовы яе аказаць.
Пра гэта заявіла дырэктар-распараджальнік Міжнароднага валютнага фонду Крысцін Лагард, інфармуе ИТАР-ТАСС.
“Украіна — сябра МВФ. Калі Украіна звернецца па дапамогу, эканамічную ці фінансавую, мы гатовыя яе аказаць”, — адзначыла Лагард. Разам з тым яна падкрэсліла, што МВФ “патрэбны нехта ва Украіне, з кім можна гэтыя пытанні абмяркоўваць”.
Лагард выказала спадзяванне, што сітуацыя ва Украіне стабілізавалася. “Але любая дыскусія прадугледжвае наяўнасць мінімум двух суразмоўцаў, і МВФ пакуль не ведае, з кім ва Украіне размаўляць”, — адзначыла яна.
