МЗС Беларусі ў твітары троліць Савет Еўропы за "Белоруссию" (фота)

МЗС Беларусі ў твітары адрэагавала на інфармацыю пра семінар ў Мінску па "Ізумруднай сетцы", якая з'явілася на рускамоўнай версіі сайта Савета Еўропы. У ёй нашу краіну назвалі "Белоруссией".

"Паважаныя @CoE_ru! — піша МЗС нашай краіны ў твітары. — Беларусь у Савет Еўропы не зацягнуць нават з дапамогай "ізумруднай сеткі". Прынамсі, пакуль Вы ловіце у яе "Белоруссию".

Як вядома, Беларусь не ўваходзіць у Савет Еўропы. Сярод перашкодаў для ўступлення — існаванне ў нашай краіне смяротнага пакарання.

Галоўнае фота: Fotolia