МЗС заклікае беларусаў у Бруселі выконваць указанні ўладаў

Беларусам, якія знаходзяцца ў Бруселі, варта выконваць указанні мясцовых уладаў. З такім заклікам МЗС Беларусі звярнуўся да суайчыннікаў праз афіцыйны акаўнт у Twitter. Зварот звязаны са спробай тэракту 20 чэрвеня на Цэнтральным вакзале бельгійскай сталіцы.

"Паводле звестак МЗС Бельгіі, прадухілены тэракт на Цэнтральным вакзале Бруселя. Просьба да беларусаў у Бруселі выконваць указанні ўладаў", — гаворыцца ў паведамленні МЗС.

Нагадаем, увечары 20 чэрвеня на Цэнтральным вакзале ў Бруселі вайсковы патруль цяжка параніў тэрарыста, які ўчыніў невялікі выбух. Пазней мужчына памёр. Пацярпелых ад выбуху на вакзале няма.