На аэрадроме пад Мазыром пачаліся новыя будаўнічыя работы
Самалёт / pexels.com, ілюстрацыйны здымак
На старым аэрадроме каля вёскі Вялікі Бокаў у Мазырскім раёне пачаліся новыя будаўнічыя работы. Гэта заўважыў тг-канал "Флагшток", параўнаўшы спадарожнікавыя здымкі за чэрвень і жнівень.
Змена рэльефу адбыліся на грунтавой частцы старога аэрадрома. Праўда, якасць даступных спадарожнікавых здымкаў не дазваляе вызначыць, якія менавіта работы там вядуцца.
На пачатку 2022 года аэрадром выкарыстоўваўся для размяшчэння расійскіх верталётаў, якія ладзілі атакі на поўнач Украіны. Пасля гэтага аэрадром застаўся пад кантролем расійскіх войскаў.
Спадарожнікавы здымак аэрадрома каля вёскі Вялікі Бокаў у чэрвені / t.me/flagshtok
Спадарожнікавы здымак аэрадрома каля вёскі Вялікі Бокаў у жніўні / t.me/flagshtok
