На Глыбоччыне сацработнікі прымусілі маладых распісацца ў ЗАГСе
Такую місію на сябе ўзялі супрацоўнікі сацыяльнага прытулку, піша мясцовая раёнка.
Як паведамляе газета, зранку 13 лютага маладую пару разглядалі на камісіі за тое, што яны не клапоцяцца пра сваіх дваіх маленькіх дзяцей. А ўжо ў абед супрацоўнікі дзіцячага сацыяльнага прытулку “пад канвоем” павялі Алу і Віталя ў ЗАГС, каб афіцыйна зарэгістраваць іх шлюб. Перад гэтым яны дапамаглі бацьку дзяцей зрабіць пашпарт.
Віталь і Ала самі з’яўляюцца сіротамі. На думку супрацоўнікаў дзіцячага прытулку, рэгістрацыя шлюбу павінна паспрыяць большай адказнасці і самастойнасці маладых бацькоў.
