На камунальнікаў Беларусі пачатыя больш за 50 крымінальных справаў за карупцыю
Больш за 50 крымінальных спраў па фактах злоўжывання службовымі паўнамоцтвамі, перавышэння ўлады або службовых паўнамоцтваў, хабарніцтва пачалі супрацоўнікі ГУБЭЗ МУС на супрацоўнікаў сферы жыллёва-камунальнай гаспадаркі.
Падазраванымі праходзяць кіраўнікі шэрагу дзяржарганізацый, якія аказваюць жыллёва-камунальныя паслугі, а таксама службовыя асобы прыватных прадпрыемстваў.
Як паведамляе прэс-служба МУС, зламыснікі закуплялі тэхналагічнае абсталяванне па завышаным кошце з парушэннем заканадаўства. Гэта прывяло да нерацыянальнага выдаткавання як бюджэтных, так і ўласных сродкаў камунальных прадпрыемстваў, што прычыніла значную шкоды дзяржаве.
Пад крымінальным пераследам апынуліся ўжо былыя кіраўнікі больш як 20 арганізацый і прадпрыемстваў сферы ЖКГ з усёй Беларусі. Паводле інфармацыі праваахоўнікаў, кіраўнікі за незаконныя ўзнагароджанні прымалі рашэнні пра закупку абсталявання ў фірмаў-пасярэднікаў па завышаным у тры, а то і 10 разоў кошце.
Як паінфармавала старшы аперупаўнаважаны па асабліва важных справах ГУБЭЗ КМ МУС Вераніка Пасмецьева, ад пачатку года ў сферы ЖКГ улічана ў 5,5 разоў больш злачынстваў, чым за такі ж перыяд 2016 года. Прычым 88,2% злачынстваў лічацца ў катэгорыі цяжкіх і асабліва цяжкіх. Часцей за ўсё выяўляюцца факты крадзяжоў шляхам злоўжывання службовымі паўнамоцтвамі, хабарніцтва, злоўжыванняў службовымі паўнамоцтвамі, перавышэння ўлады або службовых паўнамоцтваў, службовыя падробкі.
