На Магілёўшчыне падворак разам з хлявом зваліўся ў возера (фота)
Гэтае незвычайнае здарэнне адбылося ў Шклоўскім раёне, у вёсцы Вялікі Стары Шклоў.
На тэрыторыі аднаго з падворкаў адбылося спаўзанне грунта. Паведамленне пра гэта паступіла на лінію МНС каля 22.30 10 траўня. Паводле папярэдняй інфармацыі, у возера спаўзло прыкладна 500 кубаметраў зямлі. Апоўзень пацягнуў за сабой гаспадарчую пабудову.
Пацярпелых няма, прычыны здарэння высвятляюцца, інфармуе сайт МНС.
