На Магілёўскім камбінаце сілікатных вырабаў прагрымеў выбух

На адным з участкаў Магілёўскага камбіната сілікатных вырабаў 15 верасня прагрымеў выбух, паведамляе прэс-служба Следчага камітэта. 

Пры гэтым пацярпеў работнік прадпрыемства. Яго шпіталізавалі з апёкамі 80% цела.

Паведамляецца, што выбух адбыўся пры змешванні лёгказагаральнай сумесі. 

На месцы здарэння працуе следча-аператыўная група, якая праводзіць агляд. Акалічнасці інцыдэнта высвятляюцца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.