На "Мінск-Арэне" шайба патрапіла ў галаву заўзятару — пералом чэрапа

Вось што распавяла Еўрарадыё сведка здарэння Наталля:

"Мы прыйшлі на хакей разам з сябрамі. І ў нейкі момант прыляцела шайба невядома адкуль. Ніхто не зразумеў, што адбылося. У Яна пайшла кроў. Яго адвялі ў медпункт, а ўжо адтуль Яна забрала "хуткая", зараз ён у шпіталі, сёння павінны рабіць МРТ".

Як аказалася, траўма сур'ёзная.  У пацярпелага двайны пералом чэрапа. Сябры хлопца расказваюць, што пасля здарэння адзін з ахоўнікаў на "Мінск-Арэне" "у грубай форме заявіў, што калі яны грамадзяне РБ, то "не варта падымаць кіпіш".