На плошчы Якуба Коласа стаяць аўтазакі, Статкевіч, магчыма, затрыманы

25 сакавіка святкуецца стагоддзе абвяшчэння дзяржаўнай незалежнасці Беларускай Народнай Рэспублікі. Мітынг і канцэрт каля Опернага тэатру (пачатак а 13-й гадзіне) дазволены ўладамі, шэсце — не. Тым не менш улады не выключаюць, што несанкцыянаванае шэсце ў сталіцы можа быць арганізаванае. Нават нягледзячы на прэвентыўнае затрыманне шэрагу актывістаў. На плошчы Якуба Коласа можна пабачыць людзей у цывільным, аўтазакі. Тым часам з’явілася непацверджаная інфармацыя, што апазіцыйны палітык Мікалай Статкевіч можа быць затрыманы.