На польска-беларускай мяжы ад знясілення памёр тыгр
На польска-беларускай мяжы затрымалі грузавік з дзесяцю тыграмі. Жывёл везлі з Італіі ў Расію. Але ў Беларусь машыну не пусцілі, бо няма ўсіх неабходных дакументаў, піша Gazeta Wyborcza. Між тым уладальнік адмаўляецца іх вяртаць у Італію.
У паездку з-пад Рыма тыгры адправіліся 22 кастрычніка. Перавозяць іх у скрынях, ад чаго стан звяроў пагаршаецца. Жывёлы знясіленыя ад падарожжа, і адзін з тыграў памёр. Кормяць тыграў курыным мясам, якое купляюць у краме.
Ветэрынарная інспекцыя звярнулася да польскіх заапаркаў з просьбай прыняць тыграў. Згоду выказаў толькі заапарк у Познані, які можа ўзяць шэсць жывёлаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
