На турніры ў Вашынгтоне ў чвэрцьфінале Сабаленка згуляе з Азаранка
Вікторыя Азаранка і Арына Сабаленка / AFP
На тэнісным турніры ў Вашынгтоне ў чвэрцьфінале будзе "беларускі" паядынак. Пра гэта стала вядома ў чацвер пасля таго, як Вікторыя Азаранка (20-я ракетка свету) выйграла паядынак 1/8-й фіналу ў Ван Яфань (73) з КНР — 6:1, 6:7(5:7), 6:3. Арына Сабаленка (3) выйшла ў 1/4 фіналу раней і чакала, хто ж стане саперніцай.
У першым крузе тэніснага турніру ў Вашынгтоне Вікторыя абыграла амерыканку Хэйлі Баптыст (97) — 7:6 (8:6), 7:6 (7:3), а Арына ў матчы другога круга выйграла ў расіянкі Камілы Рахімавай (105) — 7:5, 4:6, 6:4.
Матч Сабаленка і Азаранка пройдзе ў ноч з пятніцы на суботу.
In the zone @vika7 #MubadalaCitiDCOpen pic.twitter.com/noYj8oyyzg
— Mubadala Citi DC Open (@mubadalacitidc) August 1, 2024
