Надвор'е на бліжэйшыя дні: даволі цёпла і туман

Сіноптыкі расказалі, якім будзе надвор'е ў бліжэйшыя дні. Кіроўцы, уважлівей: над Беларуссю заўтра павісне туман, папярэджваюць у Гідраметцэнтры.

У чацвер, 17 кастрычніка, будзе без ападкаў. Тэмпература паветра мінімальная ноччу 0..-5°С, а максімальная днём +7..+13°С.

У пятніцу, 18 кастрычніка, таксама без ападкаў і таксама туман. Вецер няўстойлівы ад слабога да ўмеранага, днём месцамі па захадзе парывісты. Тэмпература паветра мінімальная ноччу -4..+3°С, максімальная днём +5..+12°С.

І ў суботу, 19 кастрычніка, таксама будзе суха і туманна. Тэмпература паветра мінімальная ноччу будзе ад -4°С па паўднёвым усходзе да +4°С у заходніх рэгіёнах краіны. Максімальная тэмпература днём +6..+13°С.