Нарвежскі тэрарыст Брэйвік памяняў імя і прозвішча
Асуджаны за масавае забойства нарвежскі тэрарыст Андэрс Берынг Брэйвік афіцыйна памяняў імя, паведамляе агенцтва Асашыэйтэд Прэс. Цяпер яго клічуць Ф'ётальф Хансэн.
Адвакат Брэйвіка Эйстэйн Стурвік кажа, што не ведае прычынаў, па якой яго кліент памяняў імя.
Брэйвік асуджаны да 21 года турэмнага зняволення за двайны тэракт, учынены 22 ліпеня 2011 года. У выніку яго нападу загінулі 77 чалавек.
