Навучанне маляра-тынкоўшчыка каштуе больш за 6 тысяч долараў?
Прынамсі такую суму вымушаны заплаціць навучэнец лунінецкага прафесійна-тэхнічнага каледжу сельгасвытворчасці за адмову ад працы па размеркаванні.
Як паведамляе інтэрнэт-рэсурс “Медиа Полесье”, сёлета вышэйназваная навучальная ўстанова выставіла 15 судовых пазоваў сваім былым навучэнцам, якія не з’явіліся на свае першыя, прымусова прызначаныя, працоўныя месцы.
Яшчэ па адным пазове на жыхароў Лунінецкага раёна падалі Пінскі прафесійны ліцэй будаўнікоў і Жыткавіцкая вучэльня сельгасвытворчасці. Сучасныя ПТВ патрабуюць больш за 400 мільёнаў рублёў кампенсацыі за падрыхтоўку людзей па рабочых спецыяльнасцях.
