Не да законаў: як палітвязняў пазбаўляюць дапамогі адвакатаў?
Днямі чарговага адваката Віктара Бабарыкі пазбавілі магчымасці выконваць свае абавязкі — 25 кастрычніка адвакатку Наталлю Мацкевіч пазбавілі адвакацкага статусу. Такім чынам, без адваката засталіся і палітвязні Мікалай Дзядок і Сяргей Ціханоўскі, інтарэсы якіх яна таксама абараняла.
Што гэта азначае для палітвязняў — застацца без адваката? Ці знойдуцца ахвотныя замяніць Наталлю Мацкевіч? Ці ёсць сэнс сёння ўвогуле ў паслугах адваката, калі гаворка ідзе пра палітычную справу? На гэтыя ды іншыя пытанні адказвае экс-адвакат Віктара Бабарыкі Дзмітрый Лаеўскі.
