Анлайн-кнігарня "Кнігаўка" больш недаступная з Беларусі (разам з "Гары Потэрам")
Андрэй Янушкевіч, стваральнік выдавецтва "Янушкевіч"
У Беларусі заблакавалі інтэрнэт-кнігарню "Кнігаўка", паведаміла выдавецтва "Янушкевіч". Прычыны блакавання не называюцца.
У гэтай анлайн-кнігарні беларусы маглі набыць пераклады на беларускую мову сусветнай літаратуры, у тым ліку сучасных бэстсэлераў. Большасць з іх была апублікаваная ў выдавецтве "Янушкевіч".
Сярод самых папулярных — пераклады на беларускую легендарнага "Уладара пярсцёнкаў" Дж. Р. Р. Толкіна і сусветнага бэстсэлера для падлеткаў "Гары Потэр" Джоан Роўлінг.
У Мінску афлайн-кнігарня “Кнігаўка” адкрылася ў траўні 2022 года, але змагла прапрацаваць толькі адзін дзень.
