Пачалося будаўніцтва Кітайска-беларускага індустрыяльнага парка (відэа)
Урачыстая цырымонія прайшла 19 чэрвеня пад Смалявічамі.
Гэта самы маштабны беларуска-кітайскі праект. Колькасць новых рабочых месцаў вызначаецца сотнямі тысяч. Дарэчы, першая вытворчасць у парку можа з'явіцца ў наступным годзе, адзначае БЕЛТА.
На ўрачыстасці прысутнічаў прэм'ер-міністр Міхаіл Мясніковіч. Вось якую характарыстыку даў ён гэтаму праекту:
"Гэта комплексны праект. Тут новыя тэхналогіі, тавары і зусім іншыя кадры. Будзем казаць пра новы тэхналагічны ўнёсак. Яны ў комплексе аб'яднаюць і інвестыцыі, і тэхналогіі, і новыя тавары".
Адзначым, што беларуска-кітайскі індустрыяльны парк пабудуюць у 25 кіламетрах ад Мінска. Тэрытарыяльнае ўтварэнне будзе мець асаблівы прававы рэжым для забеспячэння камфортных умоваў вядзення бізнэсу.
Фота — БЕЛТА
