Пад Барысавам на трасе М-1 гарэла фура з прычэпам

Пад Барысавам на трасе М-1 загарэлася фура з прычэпам. Як паведамляе БЕЛТА са спасылкай на Мінскае абласное ўпраўленне МНС, паведамленне пра ўзгаранне паступіла на экстраную лінію сёння ў 12.11.

Выратавальнікі прыбылі на месца здарэння і пагасілі агонь. Полымя цалкам знішчыла прычэп, але не закранула цягач з кабінай. Ніхто з людзей не пацярпеў. Прычыны інцыдэнту высвятляюцца.