Падатковая аштрафавала іпэшніка за недаплату падатку ў 34 капейкі

Падатковая інспекцыя аштрафавала індывідуальнага прадпрымальніка на дзве базавыя велічыні — 74 рублі. Нагодай стала недаплату падаткаў на суму 34 капейкі.

Запазычанасць па падатках за першы квартал 2023 года ў прадпрымальніка ўтварылася па стане на 27 красавіка. На наступны дзень гэтая запазычанасць была цалкам пагашаная — спагнаная са сродкаў на ягоным рахунку. Аднак штраф яму падаткавікі выпісалі.

Пракурор апратэставаў рашэнне падатковай, звярнуўшы ўвагу на малазначнасць правапарушэння. Эканамічны суд Брэсцкай вобласці пагадзіўся з пракуратурай, адзначыўшы, што правапарушэнне не прычыніла і не магло прычыніць значную шкоду.

Суд адмяніў пастанову падатковай.