Падчас разгляду справы Мальцава суд выявіў парушэнні законаў

У суботу, 20 снежня, у Мінскім абласным судзе быў агучаны прысуд былому гендырэктару "Барысаўдрэва" Уладзіміру Мальцаву — тры гады калоніі ўзмоцненага рэжыму. Яго прызналі вінаватым у злоўжыванні службовымі паўнамоцтвамі — у здзяйсненні дзеянняў, якія "пацягнулі прычыненне істотнай шкоды дзяржаўным і грамадскім інтарэсам, а таксама якія пацягнулі цяжкія наступствы". Паводле судовага рашэння, з Мальцава на карысць "Барысаўдрэва" збіраюцца спагнаць кампенсацыю за страты — больш за 1 млрд 900 млн рублёў.

Па справе Мальцава судом таксама была вынесена пастанова на адрас начальніка галоўнага следчага ўпраўлення Следчага камітэта. У ёй звернута ўвага на выяўленыя пры судовым разглядзе гучнай справы "парушэнні законаў і вытворчасці папярэдняга следства".

Фота — Fotolia