Падчас выбуху ў Лепелі пацярпелі два чалавекі

Падчас выбуху ў Лепелі пацярпелі два чалавекі. Здарэнне адбылося ўдзень 27 траўня. Абрынуліся тры сцяны і дах блочнай прыбудовы да прыватнага дома. Яго гаспадарамі з'яўляюцца пенсіянеры, з апёкамі іх шпіталізавалі, інфармуе прэс-служба МНС.

Прычына здарэння пакуль невядомая. Прыбудова выкарыстоўвалася як санвузел і кацельная.