Палата прадстаўнікоў прыняла ў першым чытанні закон аб амністыі

Як адзначыў у сваім выступе перад дэпутатамі міністр унутраных спраў Ігар Шуневіч, у Беларусі заўсёды прымяняецца прынцып гуманізму да асоб, якiя адбываюць розныя віды пакарання. "Дзяржава не толькі карае, але і дае выправіцца, выйсці раней з месцаў пазбаўлення волі", — перадае БелаПАН словы міністра.

Мяркуецца, што з папраўчых устаноў закрытага тыпу (папраўчыя калоніі, выхаваўчыя калоніі, арыштныя дамы, СІЗА) вызваляць каля 2100 чалавек, з папраўчых устаноў агульнага тыпу — каля 630.

Дарэчы, пад амністыю не трапяць кіроўцы, якія кіравалі транспартам у нецвярозым стане, а таксама тыя, хто парушыў ПДР у стане алкагольнага ап'янення, што пацягнула смерць чалавека. Не выйдуць на волю і тыя, хто здзейсніў злачынства супраць палавой недатыкальнасці або палавой свабоды ў дачыненні да непаўналетніх.

Шуневіч падкрэсліў, што правядзенне амністыі не акажа негатыўнага ўплыву на крымінальнае становішча ў грамадстве.

Фота — vedomosti.ru