Палітычнае рабства: што хаваецца за NDA Офіса — эфір са Шчыгельскім

Непрыемная сітуацыя з “дамовай аб неразгалошванні”, якую мусяць падпісваць з установай “Офіс Святланы Ціханоўскай” усе кандыдаты на супрацу з… любой структурай, тым ці іншым чынам афіляванай з Офісам, набірае абароты. А на фоне нядаўніх гучных сыходаў з Аб’яднанага пераходнага кабінета Таццяны Зарэцкай, Алега Талерчыка з BYPOL і сітуацыі з агентам ГУБАЗіКа ў камандзе “Чорнай кнігі Беларусі” ўсё гэта выглядае не лепшым чынам.

Ці варта было ўзнімаць скандал вакол “унутрана дакумента” і што з тым NDA не так? Навошта ініцыятарам з’яўлення гэтага дакумента “палітычныя рабы”? Што не так з дэмсіламі Беларусі і які магчымы выхад з сітуацыі? На гэтыя ды іншыя пытанні адказвае палітычны прадстаўнік руху “Супраціў” Зміцер Шчыгельскі.