Памёр беларускі навуковец Мечыслаў Часноўскі
Памёр беларускі навуковец і дыпламат Мечыслаў Часноўскі, паведамляе bsu.by. Яму было 73 гады. Часноўскі — доктар гістарычных навук, прафесар, аўтар 150 навуковых працаў. У 2002-2014 гадах быў рэктарам Брэсцкага дзяржаўнага універсітэта імя Пушкіна, пасля працаваў у БДУ, быў загадчыкам кафедры міжнародных адносін.
На дыпламатычнай працы Мечыслаў Часноўскі знаходзіўся ў 1993-1996 гадах, быў часовым павераным у справах Беларусі ў Польшчы.
Часноўскі быў у "чорным спісе" ЕС, з якога яго выключылі восенню 2014 года.
