Папулярызацыя беларускай мовы праз адукацыю і абслугоўванне – як гэта працуе?
Вы хочаце каб вакол вас гучала беларуская мова – ад афіцыянтаў у кавярні, супрацоўнікаў аўтазапраўкі, касіраў у краме, каб вашы дзеці вучыліся ў беларускамоўным класе, але не ведаеце, дзе такія ўстановы знайсці? Уся неабходная інфармацыя даступная на адмысловым сайце падтрымкі беларускай мовы. А ёсць яшчэ і такія людзі, якія прапануюць вам культурныя мерапрыемствы на беларускай мове.
Чаму ўзнікла неабходнасць стварэння адмысловай платформы падтрымкі беларускай мовы? Каму яна больш патрэбная – тым, хто прапануе паслугі па-беларуску ці спажыўцам такіх паслуг? Ці пашыраецца выкарыстанне беларускай мовы ў сферы паслуг?
На гэтыя ды іншыя пытанні ў жывым эфіры Еўрарадыё адказваюць кіраўнік платформы падтрымкі беларускай мовы SAY.by Аляксандр Шастаковіч і арт-менеджар “Арт-Сядзібы” Аляксей Сапрыкін.
